Os versos doces e firmes dunha muller atravesada polo dó. Velaquí a nova obra da poeta María Álvarez Landesa (Vigo, 1970). «A voz inmaculada dunha muller orfa que sabe que perdeu a súa condición de filla», en palabras da tamén poeta Míriam Ferradáns, que asina o limiar. Os pozos elegantes das clavículas é unha homenaxe da autora á súa nai. O libro inclúe un código QR onde escoitar á autora recitando algúns dos seus poemas.
